Header Ads

कोरोना विषाणूविरोधात लढण्याऱ्या विषाणूची निर्मिती...


  जगभरात वाऱ्यासारखा पसरलेला कोरोना व्हायरस आज सर्वांच्याच आरोग्यासाठी सर्वात मोठा धोका म्हणून उदयास आला आहे. दुसर्‍या महायुद्धानंतर अनेक वर्षांनी जगाला अशा आपत्कालीन परिस्थितीचा सामना करावा लागत आहे. पण अलीकडेच एक चांगली बातमीही समोर आली आहे. शास्त्रज्ञांनी असा दावा केला आहे की, त्यांनी एक व्हायरस तयार केला आहे जो फ्लू आणि कोविड 19 सारख्या धोकादायक विषाणूंविरूद्ध लढण्यास जो सक्षम आहे.


बर्लिन-आधारित फोर्सचंग्सव्हरबंड ई.व्ही. आठ वैज्ञानिक संस्थांची एक संघटना आहे. त्याच संस्थेच्या शास्त्रज्ञांच्या पथकाने या विषाणूच्या पेशी (virus cell) तयार केल्या आहेत ज्या फुफ्फुसांच्या पेशींची नक्कल करून कोविड -19  विषाणूंविरूद्ध लढू शकतात. विशेष म्हणजे कोरोना विषाणूमुळे आपल्या फुफ्फुसांचे सर्वाधिक नुकसान होते ज्यामुळे श्वास घेण्यात अडचण येते परिणामी शरीरात पुरेसा ऑक्सिजन नसल्यामुळे माणसाचा अखेर मृत्यू होतो.


एंटीबायोटिक्स औषधांना विकल्प

शास्त्रज्ञांनी या विषाणूचे बॅक्टेरियोफेज किंवा फेज कॅप्सिड  असे नाव दिलेले आहे. हा व्हायरसचा एक प्रकार आहे जो वास्तविकपणे अँटी-बायोटिक औषधांचा पर्याय म्हणून तयार केला गेला होता. हे सूक्ष्मजंतू बहुतेक जीवाणू खाल्ल्याने जगतात. या संशोधनाचे प्रमुख लेखक डॅनियल लॉस्टर यांनी म्हटले आहे की नवीन व्हायरस संक्रामक नाही आणि त्यात 180 प्रोटीनचे गुणधर्म आहेत जे त्यास रिसेप्टर्स म्हणून काम करतात. त्यामुळे इन्फ्लूएन्झा व्हायरसची फसवणूक करण्यात ते यशस्वी होते. दुसर्‍या शब्दांत सांगायचे झाल्यास आम्ही इन्फ्लूएन्झा व्हायरस निष्क्रिय करण्यासाठी बॅक्टेरियोफेज व्हायरस वापरतो. अजून बरेच काम बाकी आहे. शास्त्रज्ञांचा असा विश्वास आहे की या व्हायरस तंत्राचा उपयोग अशी औषधे तयार करण्यासाठी केला जाऊ शकतो ज्यामुळे कोरोना विषाणूचा प्रादुर्भाव होणे रोखू शकतो. हा प्रयोग यशस्वी झाल्यास भविष्यातील कोरोना व्हायरसच्या उद्रेकावर उपाय म्हणून हा व्हायरस संभाव्य शस्त्र म्हणून वापरला जाऊ शकतो.



असे काम करतो बॅक्टेरियोफेज

संशोधकांचे म्हणणे आहे की, फेज व्हायरस टप्प्याटप्प्याने फुफ्फुसाच्या पेशींची नक्कल करून कोविड 19 सारख्या फ्लू विषाणूची प्रतिकृती तयार करतो. त्यानंतर हेमाग्ग्लूटीनिन नावाच्या प्रोटीन रिसेप्टर्सनी आपल्या जाऴ्यामध्ये अडकलेल्या फ्लू विषाणूच्या पृष्ठभागाला कव्हर करतो ज्यामुळे फ्लू विषाणू प्रभावहीन ठरतो.


  • विषाणूचा कशाकशात उपयोग होईल
  • न्यूमोनियावर श्वासोच्छवासाच्या उपचारात
  • जंतूंचा नाश करून बॅक्टेरियांच्या वेगवान उपचारात
  • अन्नास पोषित करण्यासाठी बॅक्टेरियाच्या वाढीस प्रतिबंध करणारा पदार्थ म्हणून
  • शरीरात झालेल्या विषबाधेपासून बचाव करण्यासाठी
  • कोविड -19 विषाणूंविरूद्ध लढण्यासही हा विषाणू मदत करू शकतो असा वैज्ञानिकांचा दावा आहे परंतु त्याची चाचणी करणे अजून बाकी
  • अनुवांशिक मॉडेल्स आणि क्रायो-इलेक्ट्रॉन सूक्ष्मदर्शी अभ्यासानुसार असेही दिसून आले आहे की बॅक्टेरियोफेज विषाणू एव्हीयन फ्लू विषाणूसह इतर प्रकारच्या विषाणूंविरूद्ध देखील प्रभावी आहे.


संशोधनाचे शास्त्रज्ञ ख्रिश्चन हॅकनबर्गर यांनी याबाबत असे म्हंटले आहे की, प्राणी आणि पेशींवरील प्रयोगांवरून असे दिसून आले की फेज कॅप्सिड मानवी फुफ्फुसाच्या ऊतींमध्ये फ्लू देखील कमी करण्यास सक्षम होतो आणि विषाणू पुनरुत्पादनास प्रतिबंध देखील करतो.

No comments