Header Ads

कोरोना व्हायरस बनला फॅशन ...

कोरोना व्हायरसचा पेंडेंट लॉन्च  



देशात कोरोना विषाणूचा प्रादुर्भाव सातत्याने सुरूच आहे. कोरोना विषाणूमुळे भारतातील तब्बल 5,734 लोकांना संसर्ग झाला असून त्यापैकी 473 लोक त्यातून बरे झाले आहेत. त्याचवेळी कोरोनाने 166 लोक मरण पावले आहेत. एकीकडे संपूर्ण जग कोरोना विषाणूमुळे त्रस्त असताना  दुसरीकडे लोक या भयानक आजाराबाबत चित्रविचित्र गोष्टी करताना दिसत आहेत.

याबाबतचे ताजे प्रकरण रशियाचेच आहे. येथे वैद्यकीय दागिन्यांची कंपनी असलेल्या डॉ वोरोबेव यांनी कोरोनाव्हायरस-आकाराचे पेंडेंट बाजारात आणले आहे. कंपनीने कोरोना साथीच्या सुरूवातीस ऑनलाईन विक्री करण्यास सुरवात केली शिवाय लोक ते विकत घेण्याच्या तयारीत होते. त्याची किंमत 1 हजार रुपये आहे. दरम्यान. या पेंडंटची विक्री सुरू होताच लोकांनी आपला राग व्यक्त करण्यास सुरवात केली. सोशल प्लॅटफॉर्मवर यावर टीका होऊ लागली. लोक म्हणू लागले की कंपनीने साथीच्या रोगाचा फायदा घेण्यासाठी अशा वाईट परिस्थितीत हे काम सुरू केले आहे. त्याचवेळी संस्थापक सांगतात की, ही नवी पेंडेंट्स कोरोनापासून संरक्षण देण्यासाठी कार्यरत असलेल्या वैद्यकीय कर्मचार्‍यांना पाठिंबा देण्यासाठीचा जणू एक मार्गच आहे.

विजयाचे प्रतीक म्हणजे पेंडेंट्स

कंपनीचे संस्थापकपावेल वोरोबेव म्हणतात की हे पेंडंट कोरोना व्हायरससारख्या साथीच्या रोगांवर लढा देणाऱ्या डॉक्टरांसाठी विजय चिन्ह आहे. आमच्या प्रकल्पाचे उद्दीष्ट म्हणजे कोरोना रूग्णांवर उपचार करून डॉक्टरांना मदत करणे असेच आहे.
संस्थापकाचा दावा आहे की, कोरोनामधून बरे झालेले बरेच रुग्ण हे पेंडेंट विकत घेत आहेत आणि उपचार करणार्‍या डॉक्टरांना भेटवस्तू देत आहेत.

हृदय आणि इतर अवयवाच्या आकाराचेही पेंडेंट्स

संस्थापक पावेल व्होरोबच्या म्हणण्यानुसारसोशल मीडियावरील आमचे फोलोवर्स यांचा खूप आदर आहे. त्यात डॉक्टर आणि सामान्य लोक दोघांचाही समावेश आहे. कोरोनाव्हायरसचे पहिले चित्र समोर आल्यानंतर कंपनीने आपली तयारी सुरू केली. डॉ. वोरोबेव ही कंपनी सहसा डीएनएहार्ट आणि शरीराच्या वेगवेगळ्या अवयवांच्या रूपात दागिने तयार करत असते.

आता ब्रोच बनवण्याची तयारी

संस्थापक पावेल वोरोबेव म्हणतात की लोक हे विकत घेत आहेत आणि आमची सोशल मीडिया टीम याची पोस्ट करत आहे. कितीही वाईट असले तरीही सध्या ते ट्रेंड मध्ये आहे. कंपनीने आतापर्यंत 1 हजार कोरोना पेंडेंट्सची विक्री केली असून पेंडेंटनंतर कंपनीची कोरोना ब्रोच तयार करण्याची योजना आहे. कोरोनाव्हायरस आत पकडून एक पिंजरा-आकाराचा ब्रोच तयार केला जाणार आहे.

No comments