Header Ads

ट्रेसिंग, टेस्टींग, ट्रिटमेंट त्रिसुत्रीनुसार कोरोनाचा प्रतिबंध

कोरोनाबाधीत १९ रुग्णांना घरी सोडले ! आरोग्यमंत्री ना. राजेश टोपे यांची माहिती



कोरोनाचे संकट असताना राज्यातील खासगी डॉक्टरांनी भीती पोटी दवाखाने बंद ठेवू नयेत. असा परिस्थितीत संवेदनशीलता दाखवून डॉक्टरांनी रुग्णालये सुरू करून नागरीकांना सेवा द्यावी, अशी सूचना सार्वजनिक आरोग्य मंत्री ना. राजेश टोपे यांनी केली आहे.

संचारबंदीच्या काळात राज्यात रक्तदान शिबीरे घेण्यासाठी जिल्हा प्रशासनाने संस्थांना सहकार्य करावे. नागरिकांनी रक्तदानासाठी पुढे यावे, असे आवाहनही राजेश टोपे यांनी केले. कोरोनाच्या प्रतिबंधासाठी राज्यशासन सध्या ट्रेसिंग, टेस्टींग आणि ट्रिटमेंट या त्रिसुत्रीनुसार काम करत असल्याचेही त्यांनी सांगितले.

दरम्यान, राज्यातील कोरोनाचे रुग्ण बरे होत असून १९ रुग्णांना आतापर्यंत घरी सोडण्यात आल्याचे सांगत राज्यात सध्या १३५ रुग्ण आढळून आल्याची माहिती आरोग्यमंत्र्यांनी फेसबुक लाईव्हच्या माध्यमातून संवाद साधताना दिली.




आरोग्यमंत्र्यांच्या संवादातील महत्वाचे मुद्दे:

• राज्यात सध्या १३५ कोरोना बाधीत रुग्ण आहेत. आतापर्यंत ४२२८ जणांच्या कोरोना चाचण्या केल्या त्यापैकी ४०१७ चाचण्यांचे रिपोर्ट निगेटिव्ह आले, तर १३५ जण पॉझीटिव्ह आले.

• शासकीय आरोग्य सेवेतील डॉक्टर्स, कर्माचारी वर्ग तसेच अन्य आपत्कालीन सेवेतील कर्मचारी जीव धोक्यात घालून काम करत आहेत, सेवा देत आहेत, त्यांचे अभिनंदन. अशी सेवा देणाऱ्यांना प्रोत्साहनपर भत्ता देण्याबाबत राज्य शासन विचार करत आहे.

• कोरोना व्यतिरिक्त अन्य आजारांच्या उपाचारांसाठी खासगी रुग्णालये सुरू राहणे आवश्यक आहेत. गरोदर महिला, लहान मुलांचे आजार, हृद्यविकाराचे रुग्ण यांना वेळीच उपचाराची गरज असते. त्यामुळे राज्यभरातील खासगी डॉक्टरांनी दवाखाने सुरू ठेवावेत. कोरोनाच्या भीतीपोटी दवाखाने ठेवू नका. संचारबंदीच्या काळात पोलीस आवश्यक ते सहकार्य करतील.

• राज्यात सध्या रक्ताचा तुटवडा जाणवत आहे. रक्ताची साठवणूक दीर्घकाळ करता येत नाही. केवळ कोरोनाच्या रुग्णांसाठी नव्हे तर अनेक वैद्यकीय उपचारांमध्ये, हिमोफेलियाच्या रुग्णांसाठी रक्ताची गरज असते. अशावेळी सामाजिक संस्थांनी संचारबंदी काळातील सूचनांचे पालन करून रक्तदान शिबीरे घ्यावीत. जिल्हा प्रशासनाने त्यांना सहकार्य करावे असे निर्देश देण्यात आले आहेत. रक्तदान शिबीरे घेताना सोशल डिस्टन्सिंग पाळण्याचे आवाहन करण्यात येत आहे.

• ज्यांची प्रतिकारशक्ती चांगली आहे आणि उपचाराचे व्यवस्थापन योग्य प्रकारे केले जात आहे असे कोरोनाबाधीत रुग्ण बरे होत आहेत.

• बाधीत रुग्णांपासून जवळच्या व्यक्तींना संसर्ग होण्याचा धोका लक्षात घेऊन राज्य शासन सध्या अशा व्यक्तींचे ट्रेसींग, त्यांची टेस्टींग आणि ट्रीटमेंट म्हणजेच शोध, तपासणी आणि उपचार या त्रिसुत्रीप्रमाणे काम करत आहे.

• नागरिकांनी सोशल डिस्टन्सिंगचा नियम मोडू नये. सर्वपक्षीय कार्यकर्ते, सामाजिक संघटना, मंडळांच्या कार्यकर्त्यांनी गरजूंना घरपोच सेवा देण्यासाठी पुढाकार घ्यावा

No comments