राष्ट्रपती रामनाथ कोविंद करणार कोरोना तपासणी

नवी दिल्ली - राष्ट्रपती रामनाथ कोविंद आपली कोरोना तपासणी करणार आहेत. आयएएनएसने दिलेल्या वृत्तानुसार, त्यांनी हा निर्णय भाजप खासदार दुष्यंत सिंह यांच्या भेटीनंतर घेतला आहे. दुष्यंत सिंह बॉलिवूडची गायिका कनिका कपूर हिने दिलेल्या पार्टित सहभागी झाले होते. त्यानंतर त्यांनी राष्ट्रपती रामनाथ कोविंद यांची भेट घेतली होती. राष्ट्रपती भवनातर्फे जारी करण्यात आलेल्या एका पत्रकात सांगण्यात आलं आहे की, 'कोरोनाबाबत सरकारने जारी केलेल्या सर्व सुचनांचं पालन राष्ट्रपतीदेखील करणार आहेत.

राष्ट्रपतींनी सरकारच्या पुढिल आदेशापर्यंत आपले सर्व कार्यक्रम रद्द केले आहेत. यादरम्यान, दुष्यंत सिंह यांच्यासोबत कोणत्या ना कोणत्या कारणाने संपर्कात आलेले लोकही स्वतःला कोरंटाइन करत आहेत. दरम्यान, भाजपचे खासदार दुष्यंत सिंह आपली आई आणि राजस्थानच्या माजी मुख्यमंत्री वसुंधरा राजे सिंधिया यांच्यासह रविवारी लखनऊमध्ये कनिका कपूरच्या कार्यक्रमात सहभागी झाले होते. अशातच कनिका कपूरला कोरोना झाल्याचं स्पष्ट झालं आहे. त्यामुळे कनिका ज्या लोकांना भेटली होती, किंवा ज्यांच्या संपर्कात होती, त्यांची चौकशी करून तपासणी सुरू आहे.

बॉलिवूड गायिका  कनिका  कपूरमुळे ४०० मान्यवर  नेते अडचणीत 



कोरोना व्हायरसमुळे जगात  हाहाकार माजलेला आहे. एकीकडे शासन, प्रशासन कोरोनाचा मुकाबला करण्यासाठी विविध उपाययोजना करीत असताना बॉलिवूडची प्रसिद्ध गायिका कनिका कपूर हिचा निष्काळजीपणा अनेकांना भोवला आहे.  कनिकाला  शुक्रवारी (20-मार्च )  कोरोना पॉझिटिव्ह असल्याची पुष्टी मिळाल्यानंतर  उत्तर प्रदेशातील लखनौ, कानपूर, नोएडा आणि दिल्ली शहरात खळबळ उडाली आहे.

गायिका कनिका कपूरला लखनऊमध्ये आयसोलेशन वॉर्डमध्ये ठेवण्यात आलं आहे. काही दिवसांपूर्वी ती लंडनवरून परतली होती. मीडिया रिपोर्ट्सनुसार, कनिका कपूरने कोरोनाची लागण झाल्याची गोष्टी लपवून ठेवली होती. कोरोनाची लागण झाल्यानंतर ती एका मोठ्या हॉटेलमध्ये थांबली होती, एवढचं नाहीतर तिने डिनर पार्टीही ठेवली होती.

वास्तविक 11 मार्च रोजी लंडनहून परत आल्यानंतर कनिका कपूरला 14 दिवस स्वत: ला अलग ठेवणे भाग होते,. मात्र तिने सार्वजिनक कार्यक्रमात भाग घेतला.लंडनहून परत आल्यानंतर ती तीन-चार पार्टीत सहभागी झाली असून त्यापैकी एक अकबर अहमद डंपीच्या घरी पार्टी झाली होती,  याशिवाय एका पार्टीत  राजस्थानच्या माजी मुख्यमंत्री वसुंधरा राजे, त्यांचा खासदार मुलगा दुष्यंत सिंग, उत्तर प्रदेशचे आरोग्यमंत्री यांच्यासह अनेक लोकांसह कनिकाचे हे लोक उपस्थित होते. हे नेते सार्वजनिक कार्यक्रमांनाही गेले होते आणि दुष्यंत सिंहही संसदेत हजर होते. यावेळी त्यांनी राष्ट्रपतींनाही भेट दिली आहे. अशाप्रकारे, कनिकाच्या दुर्लक्षामुळे जवळजवळ 400 लोकांना कोरोना विषाणूबद्दल संशय आला आहे.

कनिकाची कोरोना पॉझिटिव्ह असल्याचे समजताच वसुंधरा राजे, तिचा मुलगा दुष्यंत सिंग, उत्तर प्रदेशचे आरोग्यमंत्री आणि त्यांच्या  संपर्कात आलेल्या इतर अनेक नेत्यांनी स्वत: ला  कोरंटाइन करत आहेत आणि त्यांनी  कोरोना विषाणूची चाचणीही घेत आहेत.


आरोग्यमंत्री जय प्रताप सिंह यांना कोरोना विषाणूची लागण नाही 

उत्तर प्रदेशचे आरोग्यमंत्री जय प्रताप सिंह यांना कोरोना विषाणूची लागण झालेली आढळली नाही. त्याचा अहवाल नकारात्मक आला आहे. वृत्तसंस्था एएनआय च्या माहितीनुसार, लखनऊ किंग जॉर्ज मेडिकल युनिव्हर्सिटीचे अलगाव वार्ड प्रभारी डॉ. सुधीर सिंह यांनी ही माहिती दिली. लखनौमध्ये आरोग्यमंत्री या पार्टीत सामील झाले होते, ज्यात गायक कनिका कपूर यांचा समावेश होता.

बॉलिवूडमधील प्रसिद्ध गायिका कनिका कपूरविरोधात एफआयआर दाखल करण्यात आला आहे. या एफआयआरनंतर मोठी खुलासा झाला आहे. एफआयआरनुसार, 14 मार्च रोजी विमानतळावरच कनिका कोरोना बाधित असल्याचं निष्पन्न झालं होतं. सध्या कनिका कपूरविरोधात लखनऊच्या गोमती नगर, हजरतगंज नगर आणि सरोजनी नगरमध्ये एफआयआर दाखल करण्यात आला आहेत.