उस्मानाबाद - राज्य शासनाचा सहकार विभाग, राज्य सहकारी पतसंस्था फेडरेशन आणि उस्मानाबाद जिल्हा सहकारी पतसंस्था फेडरेशन यांच्या वतीने आयोजित करण्यात आलेली सहकार शोभा यात्रा सोमवार,दि.२ जुलै रोजी उस्मानाबाद येथे पोहचणार आहे. त्यानिमित्त येथील स्वस्तिक मंगल कार्यालय, बार्शी नाका येथे सायंकाळी ६-३० वाजता एका मेळाव्याचे आयोजन करण्यात आले असून जिल्हयातील नागरी ,पगारदार,ग्रामीण बिगर शेती सहकारी संस्थांनी त्यांचे प्रतिनिधी या मेळाव्यास पाठवावेत,असे आवाहन बी.एल.वांगे, जिल्हा उपनिबंधक सहकारी संस्था,उस्मानाबाद यांनी केले आहे.